Tifozët e Tiranës u grumbulluan mbrëmjen e djeshme pranë stadiumit “Selman Stërmasi” për të festuar titullin e 25-të kampion.
Por, policia ka ndërhyrë menjëherë për të shpërndarë mbështetësit e shumtë bardheblu, duke shoqëruar në komisariat disa persona.
Uniformat blu nuk kanë lejuar vazhdimin e festës përpara stadiumit “Selman Stërmasi”. Edhe pse mbështetësit e Tiranës kanë këmbëngulur për të qëndruar, policia ka dhënë urdhër të prerë për shpërndarjen e tyre. Ka pasur nga ata që kanë bërë rezistencë dhe kësisoj janë shoqëruar në ambientet e komisariatit numër 2.
