Hulumtimet e reja tregojnë se proteinat shtazore janë më efektive sesa proteinat bimore për ruajtjen e masës muskulore. Hulumtimi u prezantua në konferencën virtuale të karrierës së Shoqërisë Fiziologjike ”Future Physiology 2020”.
Dietat me bazë bimore janë të dobishme për mjedisin, por sipas ekspertëve nuk janë të shëndetshme për mbajtjen e muskujve të fortë.
Kalimi nga një dietë me bazë shtazore në një dietë me bazë bimore, pa rregulluar marrjen totale të proteinave, ka të ngjarë të jetë e dëmshme për shëndetin e muskujve gjatë plakjes.
Autorët e studimit, për të provuar ndryshimet përdorën disa teknika, duke përfshirë metodologjinë e qëndrueshme të izotopit, marrjen e mostrave të gjakut dhe biopsitë e muskujve skeletorë, për të parë se sa shpejt muskujt po ndërtoheshin nga aminoacidet.
“Ky hulumtim tregon se ndikimi i proteinave bimore në ndërtimin e muskujve, nuk është i njëjtë me atë të proteinave shtazore. Proteinat shtazore kanë një ndikim më të madh në ruajtjen e cilësisë së muskujve edhe pas kalimit të moshës”, shprehen studiuesit.
