Juventus sfidon mbrëmjen e sotme skuadrën e Lazios në ndeshjen e vlefshme për javën e 34-t të Serie A. Bardhezinjtë do të kërkojnë fitoren për t’i dhënë fund çdo pretendimi të kundërshtarëve për titullin kampion.
Lazio ka qenë një rival shumë i vështirë për Juventusin teksa është mposhtur nga bardhëkaltërit në dy ndeshjet e fundit. Në kampionat u mundën me rezultatin 3-1, me golat e shënuar nga Luiz Felipe, Milinkovic-Savic dhe Caicedo, të cilët rrëzuan avantazhin e parë që kishte marrë Juve në atë takim.
I njëjti rezultat u mor edhe në Superkupën e Italisë që skuadra e Simone Inzaghi u kthye fitoi falë golave të Luis Alberto, i cili do jetë një mungesë e madhe në sfidën e mbrëmjes së sotme, Lulic dhe Cataldi.
Në rast suksesi, Juventus, do të shkëputej me 8-të pikë nga Interi i vendit të dytë, ndërkohë nga ana tjetër një fitore të Lazios do të vështirësonte rrugën e Juves drejt titullit.
Për tu përmendur është fakti që ky takim do të jetë një sfidë direkte mes Cristiano Ronaldos dhe Immobiles për titullin e kryegolashënuesit në Serie A. Italiani kryeson renditjen në kuotën e 29 golave, ndërsa portugezi ka arritur të shënojë 28 herë.
Ndeshja luhet në “Allianz Stadium” duke filluar nga ora 21:45.
