Shefja e Departamentit të Epidemiologjisë në ISHP, Silva Bino, shprehet kundër zhvillimit të zgjedhjeve në Universitet, që sipas një urdhëri të ministres së Arsimit, duhet të mbahen më 31 korrik për zgjedhjen e dekanëve dhe rektorëve.
Bino përmes një komenti në statusin e ekspertit Erion Dasho ka theksuar se është e rëndësishme mbajtja e maskave për të mbrojtur veten dhe të tjerët.
Gjithashtu ajo ka theksuar se në këtë situatë pandemie në të cilën ndodhet vendi është e rëndësishme që të mos zhvillohen zgjedhjet në Universitete.
“Mendoj se nuk duhet të bëheshin tani në këtë situatë ose të bëhen totalisht digjitale”, shkruan Bino.
