Detaje të reja janë zbuluar nga ngjarja e rëndë që ndodhi një ditë më parë në Fier, ku 46 vjeçari, Përparim Sehati humbi jetën pasi u plagos me thikë.
Burime për Abc News bëjnë me dije se kryeplaku i fshatit Kasnicë, ku ndodhi dhe ngjarja e rëndë, Haxhi Qosaj është shprehur se vrasja ka ndodhur për 3 rrënjë kumbulla.
“U vranë për 3 rrënjë kumbulla. Autori e qëlloi me thikë nga pas viktimën. Ky i fundit pasi u përlesh me autorin po hipte në traktorin e tij për të shkuar në shtëpi. Autori është ngjitur nga pas traktorit dhe pasi e ka qëlluar disa herë me thikë është larguar”, është shprehur kryeplaku.
Ngjarja ka ndodhur një ditë më parë ku 46 vjeçari nga fshati Kasnicë i Patosit ndërroi jetë si pasojë e plagëve të marra me thikë nga fqinji i tij 31-vjeçar, Alionid Saliu.
Ky i fundit u kap dhe arrestua nga policia disa orë pas ngjarjes që ndodhi mesditën e së shtunës në Kasnicë. /abcnews.al/
