Zbardhen të tjera detaje nga tentativa e 39-vjeçarit për t’u vetëdjegur përpara kryeministrisë në Tiranë. Burime për mediat bëjnë me dije se 39-vjeçari punonte taksist, ndërsa mësohet se ai humbi punën 2 ditë më parë pasi i hoqën patentën.
Raportohet se ai ishte gjetur 2 ditë më parë në shkelje të rregullave të qarkullimit dhe Policia Rrugore i hoqi lejen e drejtimit. Më tej zbulohet se ai u ankua në Komisariat por patenta nuk iu kthye.
Ky veprim i shkaktoi atij gjendje të rënduar psikologjike dhe ai tentoi të vetëdigjet para kryeministrisë por policia e neutralizua përpara se të kryente vetëvrasje.
Gjatë shoqërimit në Polici ai ka thënë se ‘’Nuk mund të jetoj dot më në këtë situatë’’ duke konfirmuar se akti erdhi prej heqjes së patentës që solli papunësinë e tij.
LEXO EDHE:
Lajmi i Fundit/ 39-vjeçari tenton të vetëdigjet përpara kryeministrisë
