Një grua e moshuar, 88 vjeç, humbi jetën në autoambulancë, teksa po transportohej drejt spitalit Infektiv në Tiranë, pasi ishte e prekur nga Covid-19.
Ajo ishte një nga pacientet e prekura nga koronavirusi në qytetin e Pogradecit dhe për shkak të rëndimit të gjendjes shëndetësore, mbremjen e djeshme, u vendos transportimi i saj drejt Infektivit ose “Shefqet Ndroqi” i kthyer në një spital “Covid2”.
Por gjatë transportit nga qyteti i Pogradecit me autoambulancë, 88-vjeçarja pësoi arrest kardiak, duke humbur jetën.
88-vjeçarja ishte konfirmuar me Covid-19 para disa ditësh. Trupi i 88-vjeçares është dërguar në Morgun e qytetit të Elbasanit.
Nuk dihet nëse në referimet zyrtare Ministria e Shëndetësisë do e klasifikojë si një humbje jete nga Covid-19 ose jo.
