Në 24 orët e fundit nga 431 testime të kryera janë konfirmuar 55 raste me koronavirus, shifër kjo pothuajse sa gjysma e rasteve të konfirmuara në ditët e fundit.
Referuar të dhënave zyrtare nga Ministria e Shëndetësisë, 39 raste janë evidentuar në Tiranë, 4 në Vlorë, 3 në Kukës, 2 në Durrës, Krujë e Kavajë, nga 1 rast në Shkodër, Elbasan e Kamëz.
Ndërkohë numri i pacientëve në dy spitalet, Infektiv dhe Sanatorium, ka shkuar në 106, 9 prej të cilëve në terapi intensive dhe 1 i intubuar.
Dr. Flutura Beqo, nga ISHP, shprehet se numri i të shëruarve në 24 orët e fundit është më i lartë se numri i të identifikuarve pozitive me Covid-19.
“Janë shëruar 77 qytetarë, duke e çuar në 2214 numrin e të shëruarve që nga fillimi i epidemisë”, shtoi ajo.
Në vendin tonë aktualisht janë 1585 persona aktivë me Covid19, kryesisht në Tiranë, Shkodër, Krujë, Durrës.
COVID-19 – Statistika (17 Korrik 2020)
Testime totale 34,606
Raste pozitive 3,906
Raste të shëruara 2,214
Raste Aktive 1,585
Humbje jete 107 (Qarku Tiranë 55, Shkodër 17, Durrës 16, Fier 5, Elbasan 5, Vlorë 3, Kukës 2, Lezhë 1, Berat 1, Dibër 1, Korçë 1)
Shpërndarja gjeografike e rasteve aktive sipas qarqeve:
Tiranë 737
Durrës 206
Shkodër 187
Vlorë 105
Lezhë 84
Kukës 54
Korçë 49
Elbasan 42
Fier 39
Berat 37
Dibër 24
Gjirokastër 21
