Kryeministri Edi Rama ka shprehur gadishmërinë për mbledhjen e Këshillit Politik që prej të hënës për të diskutuar ndryshimet Kushtetuese.
Madje, Rama thotë se është i gatshëm që këtë herë të jetë edhe vetë i pranishëm në Këshillin Politik për të bindur opozitën por edhe Presidentin Ilir Meta, për dobinë që kanë ndryshimet kushtetuese për vendin.
“PS nuk ka asnjë obligim ndaj PD-LSI përveç marrëveshjes së 5 qershorit, të cilën do ta mbështesë deri në fund! Por nëse opozita presidenciale (OP) mendon se nisma zyrtare kushtetuese ia vlen të diskutohet në Këshillin Politik, PS s’ka si të jetë kundër,madje megjithë OP në tryezë!
PS e ka gjithë vullnetin të bëjë çdo përpjekje për ta bindur PDLSIOP për dobinë që nisma kushtetuese ka për Shqipërinë,e unë jam i gatshëm të shkoj vetë në Këshillin Politik këtë herë,ku po erdhi dhe LB apo edhe IM nëse dëshirojnë, do jetë edhe më mirë padyshim. Gati që të hënën”, shkruan Rama.
Reagimi i Kryeministrit vjen në një kohë kur nga Presidenti iu kërkua opozitës së bashkuar që të bëhet pjesë e Këshillit Politik për diskutimin e ndryshimeve kushtetuese.
