Debate në emisionin Open në Top Channel, teksa po diskutohet për ndryshimet kushtetuese të iniciuar nga opozita parlamentare dhe mbështetur nga mazhoranca.
Një ndër to u zhvillua mes analistit Vehap Kola dhe deputetes Rudina Hajdari.
Analisti u shpreh se Hajdari po i del kundër ndërkombëtarëve.
Ndërsa kjo e fundit, iu drejtua drejtueses së emisionit me fjalët: Ku e gjete këtë (Vehap Kolën), m’qafsh?!
Pjesë nga debati:
Kola: Në protestën studentore deshët të dorëzonit mandatin, por refuzuat kur mandatet i dorëzoi opozita. Këtë e bëtë duke thënë se jeni konsultuar me ndërkombëtaret. Po tani pse po i dilni kundër ndërkombëtarëve?
Hajdari: Ku e gjete këtë, m’qafsh?
Vasili: Ju lutem kini respekt për të ftuarit e Open. Kështu mund të thojë dhe ndonjëri për juve. Kështu që tregoni respekt për të ftuarit.
Hajdari: Unë e jap përsëri mandatin për studentët, por një mandat nuk e dëmton Kuvendin, por 56 deputetë e dëmtojnë Kuvendin. Ju keni ardhur këtu me një kasetë, jepi dhe pak, sepse jeni kasetë.
