Sebastian Vettel në përfundim të sezonit do të largohet nga Ferrari dhe e ardhmja e tij në botën e Formula 1 është e paqartë.
Teksa e ndajnë edhe dy javë nga afati përfundimtar për të zgjedhur të ardhmen, piloti gjerman në sezonin e ardhshëm mund të garojë për skuadrën e Aston Martin.
Piloti gjerman i Ferrarit, të cilit nuk i rinovuan kontratën me “kokëkuqen”, është në tratativa me skuderinë angleze e cila në Botërorin e ardhshëm nuk do të përfaqësohet me emrin e komercializuar “Racing point” siç është aktualisht, por me emërtimin origjinal “Aston Martin”.
Në këtë mënyrë, britanikët e shohin debutimin e tyre të madh, me pilotin Lens Stroll dhe 4 herë kampionin e botës, Sebastian Vettel që me gjasa do të zërë vendin e meksikanit Sergio Perez.
