Vendimi i CAS për të bërë “nul” dënimin që UEFA i dha Man.City-t për shkeljen e rregullave financiare është kritikuar nga disa figura më të larta të futbollin anglez.
Fillimisht ishte Klopp ai që reagoi teksa e cilësoi vendimin si një “ditë të keqe për futbollin”. Tashmë edhe Jose Mourinho ka reaguar me nota kritike ndaj këtij vendimi, sipas tij kontrovers. City fillimisht u dënua me dy vite mospjesëmarrje në Ligat e Evropës dhe një gjobë prej 30 milionë eurosh.
Gjithsesi pas vendimit më të fundit, klubi anglez do të dalë nga kjo histori duke paguar vetëm 10 milionë euro. Trajneri portugez ka theksuar se nëse City ishte fajtor aq sa duhet për të merituar një gjobë, atëherë sanksionet origjinale nuk duhet të ishin rrëzuar.
“Është një vendim i turpshëm sepse nëse City është i pafajshëm, atëherë pse dreqin do të paguajnë 10 milionë euro?” Nëse nuk je fajtor nuk duhet të kesh një gjobë. Në rastin nëse janë fajtorë atëherë vendimi është gjithashtu një turp dhe duhej të përjashtoheshin nga Europa.”
“Unë nuk e di nëse ata janë fajtorë apo jo, por sidoqoftë ky vendim është i gabuar dhe i turpshëm. Me këtë vendim mendoj se rregulli “Fair Play Financiar” ka marrë fund pasi skuadrat nuk do të ndëshkohen më.”
