Mbi 13 milionë persona rezultojnë të prekur nga koronavirusi Sars-Cov-2, ndërsa 7.6 milionë kanë fituar betejën. refferuar shifrave të përditësuara, numri i të infektuarve rezulton të jetë 13,041,719, ndërsa numri i viktimave është 571674.
Vendet më të prekura nga pandemia janë SHBA me 3.4 milion të infektuar dhe 137,782 viktima, Brazili me rreth 1.9 milion të infektuar dhe 72,151 viktima, si dhe India me 879,487 të infektuar dhe 23,194 viktima.
OBSH njoftoi të dielën se një rekord i ri të infektuarish ishte regjistruar brenda 24 orëve. Në bazë të të dhënave zyrtare, në 24 orë në të gjithë Botën u regjistruan formalisht të paktën 230,370 raste.
Bilanci më i lartë është regjistruar në Shtetet e Bashkuara të Amerikës, Brazil, Indi dhe në Afrikën e Jugut, sipas raportit ditor të OBSH.
Shifra rekord e raportuar më herët nga OBSH u regjistrua më 10 korrik kur u regjistruan 228,102 raste të reja me Covid-19 globalisht.
