Ish-sulmuesi i kombëtares shqiptare, Agon Mehmeti, ka qenë vendimtar në fitoren e skuadrës së tij, Orebro, kundër Varbergs ndeshje kjo e vlefshme për kampionatin suedez.
30-vjeçari ka gjetur sot golin e dytë në kampionat, falë një realizimi shumë të bukur në minutën e 61-të. Martensson krosoi nga e djathta, Mehmeti u koordinua në mënyrë perfekte dhe shënoi fluturimthi nëpërmjet një kthese fantastike. Fitorja e ngjit Orebron në vend të tetë, teksa u luajt java e shtatë e Allsvenskan.
Agon Mehmeti debutoi me kombëtaren shqiptare 6 shtatorin e vitit 2013 në ndeshjen e eliminatoreve të Botërorit 2014 kundër Sllovenisë.
