Bota po shënon çdo ditë dhe më shumë të infektuar dhe viktima nga Covid-19. Edhe në Itali, ndonëse situata ishte pozitive, ditët e fundit ka parë rritje të numrit të të infektuarve dhe viktimave. Spitali i Kremonës, nuk është më i çliruar nga Covid-19.
Një infermier i këtij spitali thotë se tani nisën sërish shtrimet e personave me simptoma të rënda të koronavirusit.
Luca Alini u ka dhënë një përgjigje të gjithë atyre që thonë se virusi nuk ekziston:
“Ja ku rikthemi sërish. Në repart kemi filluar të hospitalizojmë pacientët me koronavirus që kanë insuficienca të rënda të frymëmarrjes. Virusi ekziston, nuk është zhdukur me magji. Ne qeniet njerëzore, me inteligjencën, evolucionin teknologjik dhe shkencor në kulm, pretendojmë se nuk ekziston, dikush mendon se nuk ka ekzistuar kurrë, të tjerët se është një shpikje e kompanive farmaceutike ose ndonjë lobi tjetër fantazmë. Nuk është asnjëra nga këto. Virusi ekziston, ai nuk është zhdukur me magji, dhe ende po merr jetë njerëzish në vende të tjera të botës. Tashmë na ka liruar pak, por nuk është e shkruar askund që nuk mund të shfaqet përsëri, dhe çfarë është më e rëndësishmja, virusi nuk e di se ne infermierët, mjekët dhe pjesa tjetër e personelit shëndetësor jemi shkatërruar me 3 muaj punë intensive, të bëra nga frika, tensioni, shqetësimet, emocionet intensive dhe kontakti i vazhdueshëm me vdekjen.”, thotë infermieri.
