Milan-i duket se nuk ka ndërmend të humbë kohë dhe ka filluar të mendoj që tani për sezonin e ardhshëm, kur në drejtim të kuqezinjve pritet të jetë Ralf Rangnick.
Gjermani pritet të marrë vendin e Stefano Pioli-t në përfundim të këtij sezoni dhe klubi, siç ka bërë të ditur shtypi italian në ditët e kaluara, do të vërë në dispozicion të tij 75 milionë euro, duke përjashtuar shitjet e mundshme.
Ashtu siç shkruan “Il Giornale”, kjo shumë do të përdoret nga Rangnick për të blerë 5 lojtarë. Një mbrojtës të djathtë, dy mesfushorë, një qendërmbrojtës dhe një qendërsulmues.
