Mesfushori i Tottenham, Eric Dier, përpara disa muajsh u konfrontua me një tifoz në tribunë dhe shkak ishte bërë ofendimi që ky i fundit i kishte bërë vëllait të futbollistit.
Ndërkohë teksa kanë kaluar më shumë se 5 muaj kur ndodhi ngjarja, Federata Angleze e Futbollit (FA) ka vendosur sot dënimin për mesfushorin anglez. Dier është gjobitur me 40 mijë sterlina dhe nuk do të jetë i gatshëm për 4 ndeshje për trajnerin Jose Mourinho.
Ky pezullim i Dier vjen në një moment shumë kritik të sezonit, pasi Tottenhamit i duhen pikë dhe të gjithë lojtarët në dispozicion, në këtë kalendar të ngjeshur.
