Pippo Inzaghi, mendon se Lacio e drejtuar nga vëllai i tij, Simone Inzaghi, do të ishte shpallur kampion i Serie A nëse sezoni nuk do të ishte ndërprerë për shkak të pandemisë së coronavirusit.
“Lazio po ecte me një ritëm shumë të lartë deri në mars. Simone mund t’i përgatiste ndeshjet me saktësi dhe detaje për shtatë ditë, ndryshe nga Juventus që, i angazhuar në Ligën e Kampionëve, e kishte të vështirë ta bënte në mënyre perfekte.
Do të kishte qenë një avantazh i rëndësishëm, për të mos përmendur mbështetjen e publikut në Romë, që luan gjithmonë rol vendimtar.
Ëndrra e vëllait tim në fillim të sezonit ishte që ta rikthente Lazion në Ligën e Kampionëve, por jam i bindur që pa ndalesën e detyruar, ai do të kishte fituar dhe titullin”, – ka thënë ish-sulmuesi i Milanit.
Aktualisht, Lacio mbetet 7 pikë prapa Juventusit, teksa të dyja skuadrat humbën mbrëmjen e djeshme përkatësisht ndaj Lecces dhe Milanit.
