Manchester United ka rinovuar kontratën me mesfushorin Nemanja Matiç. Serbi i cili iu bashkua “Djajve të Kuq” në verën e vitit 2017, ka nënshkruar një kontratë të re që do të jetë e vlefshme deri më 30 qershor të vitit 2023.
“Jam i lumtur që do të vazhdoj të jem pjesë e këtij klubi të madh. Si lojtar kam akoma shumë për të dhënë dhe për të arritur në karrierë. Ta bëj diçka të tillë me Manchester united është një nder i madh”, tha fillimisht Matic, i cili numëron 114 ndeshje me Manchester United.
“Është emocionuese të jesh pjesë e këtij ekipi. Kemi një balancë të mirë, me lojtarë të rinj dhe me eksperiencë. Gjithashtu ka një harmoni të madhe brenda grupit.
“Kjo është një nga pikat kyçe pse po luajmë mirë këtë sezon. Do luftojmë ta mbyllim sezonin sa më mirë dhe të bëjmë krenarë mbështetësit tanë fantastikë”. Matic është 31 vjeç dhe këtë sezon ka luajtur 14 ndeshje si titullar në kampionat.”
Kontrata e 31 vjeçarit skandonte në përfundim të këtij sezoni por “Djajtë e Kuq” kanë vendosur që të vazhdojnë bashkëpunimin me Matiç.
✍️ @NemanjaMatic is here to stay! #MUFC
— Manchester United (@ManUtd) July 6, 2020
