Sergio Ramos nuk mendon se ka dikush më të përshtatshëm se ai për të marrë përsipër goditjen e 11-metërshave te skuadra e Real Madrid.
Kapiteni i “Los Blancos” arriti të shënonte një tjetër penallti ditën e sotme, duke i dhuruar skuadrës së tij fitoren ndaj Athletic Bilbao.
“E vetmja gjë për të cilën unë mendoj janë tre pikët dhe suksesi i skuadrës.” tha Ramos pas ndeshjes.
“Në ato momentet e fundit, tensioni është në maksimum, por unë ndihem i qetë. Mendoj se jam personi ideal për të marrë përgjegjësinë e goditjeve të 11-metërshave në klub.”
