Një 25-vjeçar është plagosur rëndë me thikë në fshatin Hormovë në Tepelenë. Ka qenë një zënke mes dy të rinjve në këtë fshat fillimisht verbal e më pas ka precipituar me përdorimin e thikës. 25-vjecari me inicialet L.I. është dërguar në spital në gjendje të rëndë. Ngjarja ka ndodhur rreth orës 13:00, ndërsa më pas u dërgua me urgjencë në spitalin e Gjirokastrës. Policia ka arrestuar autorin, E. K., 22 vjeç, edhe ai i plagosur.
“Rreth orës 13:00, noftohemi se në Spitalit Rajonal Gjirokastër ka shkuar një shtetas i plagosur me mjete të mprehta. Menjëherë është ngritur grupi hetimor dhe pas veprimeve të para hetimore rezultoi se në fshatin Hormovë, Tepelenë, shtetasit L. I., dhe E. K., 22 vjeç, banues në fshatin Hormovë, pas një konflikti të çastit janë goditur me njeri-tjetrin me mjete të mprehta dhe të forta. Për pasojë ka mbetur i plagosur shtetasi L. I., i cili ndodhet në spitalin Rajonal Gjirokastër. Falë reagimit të menjëhershëm të shërbimeve të policisë eshtë bërë e mundur kapja e shtetasit E. K., (i cili është gjithashtu i dëmtuar) dhe po shoqërohet për në spital për të marë ndihmën mjekësore dhe për të vijuar me veprimet proceduriale. Grupi hetimor ndodhet në vendngjarje dhe po punohet për zbardhjen e plotë të ngjarjes”, njoftoi policia.
