Dëshmitarët e Johovait në Tiranë thonë se familja Josifi nuk ishte pjesë e këtij sekti fetar. Në një reagim për mediat, Arben Lubonja thotë se gruaja Zhaneta dhe dy vajzat, Anisa dhe Blerta, nuk janë shoqëruar asnjëherë me Dëshmitarët e Jehovait.
“Përpjekjet për të lidhur këtë ngjarje apo çdo element te saj me besmin e Dëshmitarve të Jehovait, është krejtësisht i pabazë dhe madje fyes për besimin tonë”, thuhet në reagim.
Ndër të tjera, deklarata bën me dije se Dëshmitarët e Jehovait e çmojnë jetën.
“Në të njëjtën kohë, është tejet shqetësues informacioni i përhapur se pjesëtarët e kësaj familjeje i përkisnin Organizatës Dëshmitarët e Jehovait. Po informojmë mediat dhe opinionin e gjerë që po ndjek zhvillimin e këtyre ngjarjeve, se pjesëtarët e familjes Josifi jo vetëm që nuk kanë qenë pjesëtarë të organizatës tonë, por as nuk janë shoqëruar ndonjëherë me Dëshmitarët e Jehovait.
Përpjekjet për ta lidhur këtë ngjarje, apo çdo element tjetër të saj me besimin e Dëshmitarëve të Jehovait është krejtësisht e pabazë, madje fyese për besimin tonë. Dëshmitarët e Jehovait kanë pikëpamjen e Zotit për jetën dhe e çmojnë atë si gjënë më të shtrenjtë. Vetëvrasje me pretendimin për të shkuar në një jetë më të mirë, nuk përputhet në asnjë mënyrë me besimine Dëshmitarëve të Jehovait”, thuhet në reagim.
