Të jesh me profesion infermier do të thotë të jesh në dispozicion të njerëzve në çdo kohë, madje edhe në ditën e dasmës tënde.
Një gjë e tillë ka ndodhur edhe me Rachel Taylor në SHBA, e cila menjëherë pasi u martua, i ofroi ndihmën e saj një të plagosure e cila u aksidentua.
22-vjeçarja dhe bashkëshorti i saj Calvin, 23 vjeç, zhvilluan dasmën e tyre më 21 qershor dhe lanë ceremoninë e tyre të lumtur në Minesota rreth orës 08:30.
Por ndërsa ishin duke shkuar për në shtëpinë e tyre, ndodhi një aksident në të cilin u përfshinë disa makina.
‘Pashë disa njerëz duke tërhequr zvarrë një grua në anë të rrugës. E pashë që ishte e plagosur dhe se mund t’i kishte dalë kocka nga vendi”, tha Taylor.
Ashtu siç ishte e veshur me fustanin e nusërisë, ajo vrapoi për t’i ardhur në ndihmë gruas së plagosur.
Ajo i dha ndihmën e parë derisa të vinte ambulanca.
Fatmirësisht gruaja ndodhet jashtë rrezikut për jetën dhe për këtë falenderoi Taylor.
”Ajo ishte e mrekullueshme dhe më shpëtoi jetën, është një ëngjëll”, tha Tamara Peterson.
Peterson po trajtohet në shtëpinë e saj dhe shpreson të takojë përsëri Taylor. Për të mbuluar shpenzimet e saj për trajtimin mjekësor, është hapur një faqe GoFundMe.
