Policia e Vlorës ka sekuestruar një gomone në vijim të një operacioni ndërkombëtar të nisur nga antimafia dhe anti-terrori në Itali, që çoi në arrestimin e 37 personave, 10 prej të cilëve në Shqipëri dhe sekuestrimin e 3.5 ton drogë me vlerë 40 mln euro.
Në Shqipëri operacioni u shtri në Tiranë dhe Vlorë ku mendohet se organizata kriminale, e cila vepronte prej vitit 2015, kishte prona dhe bazat e saj.
Nga të dhënat e para mendohet se asetet që pritet të sekuestrohen janë në vlerën e 4 mln eurove.
Ndërkohë në Vlorë u gjet dhe u sekuestria në një magazinë një skaf me dy motorë të fuqishëm, që dyshohet se përdorej nga grupi kriminal në trafikun e drogës nga Shqipvria drejt Italisë.
Operacioni vijon në Itali dhe autoritetet italiane janë duke kryer arrestime të reja. Pritet që në lidhje me këtë, autoritetet fqinje të dalin në një konferencë për shtyp në orën 12:00.
