Policia finalizoi një megaoperacion në orët e vona në zonën e Astirit në kryeqytet, ku arrestoi Ilir Xhepajn, alias Ilir Lika, i shpallur në kërkim për vrasjen e Bujar Likës dhe Paulin Gjergjit më 30 maj 2020 në Laç.
Mësohet se Ilir Xhepaj ishte fshehur në një apartament në këtë zonë.
Ilir Xhepaj është bërë i arrestuari i dytë për vrasjen në Laç të dy biznesmenëve, Bujar Lika Hasani dhe Paulin Gjergji Marku.
Xhepaj dyshohet se është bashkëpuntor i Eduart Lamajt, autorit kryesor të vrasjes së 30 majit.
Të veshur si policë, ata hynë në hotelin A&A në Kurbin ku qëlluan për vdekje dy biznesmenët.
JOQ ka publikuar pamje të aksionit të forcave operacionele qe bënë të mundur arrestimin e shumë të kërkuarit në Tiranë.
