Pasi Christian Pulisic ra në sy me skuadrën e Borussia Dortmund, Chelsea, vendosi të paguajë rreth 63 milionë euro për shërbimet e tij verën e kaluar.
Amerikani po zhvillon një sezon pozitiv në Premier League, teksa ka shënuar 7 gola dhe numëron dy asiste për shokët e skuadrës. Në fitoren 2-1 kundër Manchester City, rezultat që shpalli kampion Liverpool, 21-vjeçari ofensiv shënoi golin e parë të ndeshjes.
Duke pasur një talent të tillë në skuadër, Frank Lampard thur elozhe për Pulisic dhe beson se ai do të bëhet lojtar i madh.
“Pulisic mund të bëhet një lojtar i madh, në Bundesligë bënte diferencën pavarësisht moshës së re. Kishte pritshmëri të mëdha për të në momentin që erdhi te Chelsea, por nuk duhet të harrojmë faktin që është një lojtar i ri.
I mungon vetëm të bëjë atë kapërcimin e madh, kalimin në një nivel tjetër, për të mbërritur në nivelin e Sterling, Salah dhe Mane. Ka rëndësi të kuptojë se çfarë duhet të bëjë për të mbërritur në ato nivele, por e ka talentin për ta bërë“, deklaron Lampard.
