Ish-banorja e “Big Brother Albania 7”, Lori Hoxhallari, tërhoqi vëmendjen e publikut shqiptar jo vetëm gjatë eksperiencës në ‘Big Brother Albania 7’, por edhe pas daljes nga shtëpia.
Lori kalonte shumë kohë në palestër për të perfeksionuar linjat e saj trupore, ndërsa në rrjete sociale nuk mungonin pozat e saj seksi. Mirëpo më vonë, banorja vendosi t’i përkushtohej fesë islame dhe jo vetëm që u mbulua, por edhe u zhduk nga rrjetet sociale.
“Gazeta shqiptare” ka sjellë disa të reja nga jeta e Lorit.
Bëhet me dije se tashmë ajo është martuar me një të huaj, i cili thuhet të jetë turk. Për më tepër, Lori është bërë gjithashtu nënë dhe i është përkushtuar me kohë të plotë fëmijës.
Tashmë, jeta e saj është mes Shqipërisë dhe vendit të bashkëshortit, identiteti i të cilit ende nuk është zbuluar. Gjithashtu, as gjinia e bebushit që ish-banorja ka sjellë në jetë nuk është mësuar.
Së fundmi s’kemi parë asnjë foto të Lorit dhe me siguri ajo ka vendosur t’i mungojë gjatë rrjeteve sociale, për t’iu përkushtuar tërësisht partnerit dhe fëmijës së saj.
