Tirana luan sot në orën 20:00 në transfertë ndaj Skënderbeut. Një ndeshje me rëndësi të veçantë për të dyja ekipet ku korçarët kërkojnë fitoren për të arritur Europën, ndërsa fitorja do ta afronte Tiranën me titullin kampion.
Në prag të kësaj ndeshje, Emanuel Egbo, ka dalë në konferencën për shtyp ku ka folur për kundërshtarët por edhe i është përgjigjur pyetjeve të gazetarëve, aty ku u ngacmua me kritikat që ka marrë pas humbjes ndaj Teutës.
“Nuk e di çfarë problemesh na ka hapur Skënderbeu. Është thjesht një ndeshje që e kemi barazuar. Nuk e shoh si problem. Kjo është një ndeshje si të tjerat. E dimë se si luan Skënderbeu. Jemi përgatitur për këtë ndeshje. Nuk i diskutojmë jashtë ekipit këto gjëra.”
Kritikat- “Ndoshta ju po talleni me mua, është e palogjikshme të diskutohet më për këto. Unë nuk duhet të merrem me këtë, nuk ka logjikë. E kam thënë që nuk kam koment. Kam shumë punë për të bërë me ekipin me ekipin. Duhet të mos merrem me thashetheme. Kur të mbaroj kampionati do të shoh. Egbo vendos çfarë do të bëjë kur të mbarojë. Fokusi im janë ndeshjet. Gjërat që ndodhin brenda familjes nuk dalin jashtë. Jam i qetë, të mbarojë njëherë kampionati. I gjithë fokusi është aty.”
