Në një intervistë për Reuters mjeku Clifford Wang, nga një prej spitaleve të Kalifornias shpjegon se ka një diferencë të madhe mes shpërthimit të parë të koronavirusit të ri dhe valës se re që ka goditur aktualisht vendin.
“Ajo që ne po shohim është e kundërta e asaj të fillimit të pandemisë, pasi po shohim më shumë pacientë të rinj sesa të vjetër.
Pacientët e rinj kanë tendencën të kenë simptoma më të rënda prandaj po shohim shtrime nëpër spitale më së shumti mes moshave të reja dhe ky lloj trendi është një risi”-deklaron doktor Wang per Reuters duke dhënë kështu alarmin. Fillimisht shtrimet e më të vjetërve nëpër spitale, por edhe viktimat në pjesën dërrmuese po mes tyre, kishin krijuar përshtypjen e rreme në publik se të rinjtë janë “imunë” ndaj virusit.
Por, me valën e re të virusit në SHBA, ky supozim nuk është aspak i vërtetë, e madje edhe i rrezikshëm. Doktor Wang e shpjegon këtë ndryshim me rihapjen dhe socializimin, gjë që është më e shpeshtë mes të rinjve, sidomos gjatë periudhës kur ngrohet edhe moti. /SCAN
