Dy persona janë arrestuar nga policia e Pogradecit në kuadër të operacionit “Topleci”, pasi akuzohen për shpërndarje të lëndëve narkotike.
Pas hekurave kanë përfunduar shtetasit F. SH., 26 vjeç, (i dënuar më parë për veprën penale “Vjedhja”) dhe S. B., 39 vjeç, të dy banues në Pogradec.
“Shërbimet e Policisë, në bazë të informacioneve të siguruara në rrugë policore se këta shtetas shpërndanin lëndë narkotike në qytet, bënë lokalizimin dhe ndalimin e tyre në lagjen nr. 4. Gjatë kontrollit fizik, shtetasit F. Sh. iu gjet një sasi e vogël me lëndë të dyshuar narkotike kanabis, ndërsa nga kontrolli i ushtruar në banesën e shtetasit S. B. u gjet dhe u sekuestrua 1 kg lëndë e dyshuar narkotike kanabis.” thuhet një njoftimin e policisë.
Materialet i kaluan Prokurorisë pranë Gjykatës së Shkallës së Parë Pogradec, për veprën penale “Prodhimi dhe shitja e narkotikëve”.
