Kryepeshkopi i Canterbury dhe kreu i Kishës së Anglisë, Justin Welby, është shprehur se kisha duhet që të rishqyrtojë portretizimin e saj të Jezusit si një njeri i bardhë.
Duke folur për “BBC Today Programme”, Welby u pyet nëse mënyra se si kisha perëndimore “portretizon Jezusin” duhej të “mendohej përsëri” dhe “të ri-imagjinohej” në dritën e protestave të fundit “Black Lives Matter”, pas vdekjes së George Floyd.
“Po, sigurisht që duhet”, tha ai, duke shtuar se Jezusi është portretizuar ndryshe në vendet e botës. Duke treguar se ka qenë rregullisht në kontakt me drejtues të Kishës Anglikane nga e gjithë bota, Welby shtoi se ata nuk e portretizojnë Jezusin si të bardhë.
“Ju hyni në kishat e tyre dhe nuk ju nuk shihni një Jezus të bardhë, ju shihni një Jezus të Zi, ose një Jezus kines, Jezus të Lindjes së Mesme që është sigurisht më i sakti”, vijoi ai.
“Ju shikoni një Jezus Fijian ju shihni që Jezusi portretizohet në aq mënyra sa ka kultura, gjuhë dhe mirëkuptime”, tha Welby.
Kryepeshkopi i Canterbury dhe kreu i Kishës së Anglisë shtoi se përfaqësimet e Jezuit nuk ishin, por përkundrazi shërbyen si “kujtesë për universalitetin e Zotit që u bë plotësisht njerëzor”.
Ndërsa duke iu drejtuar thirrjeve për heqjen e monumenteve në lidhje me historinë imperialiste të Mbretërisë së Bashkuar dhe tregtinë e skllevërve, ai tha se statujat në Katedralen e Canterbury do të viheshin nën rishikim.
