Ish-bosi i Formula 1, Bernie Ecclestone, së fundmi ka dhënë një intervistë ku ka folur edhe për temën e racizmit aq e lakuar së fundmi.
89-vjeçari ka bërë një deklaratë befasuese, teksa ka thënë se është surprizuar nga shqetësimi i madh që ka shfaqur Lewis Hamilton për situatën pasi sipas tij, shpesh njerëzit me ngjyrë janë vetë më racistë se njerëzit e bardhë.
“Në shumë raste, njerëzit me ngjyrë janë më racistë se njerëzit e bardhë. Jam i surprizuar që racizmi e shqetëson Hamiltonin. Jam shumë i mërzitur se ai e ka marrë seriozisht.
“Nuk mendoja kurrë që do e merrte kaq seriozisht. Nuk mendoj se racizmi ka ndikuar tek ai. Unë nuk kam folur personalisht me Hamilton”, u shpreh Ecclestone për CNN.
