Tre persona janë arrestuar nga policia e Mallakastrës, pasi akuzohen se në një zonë të pyllëzuar, mbollën 340 rrënjë kanabis sativa.
Në kuadër të operacionit të koduar “Rromës” u arrestuan shtetasit, T. A., 32 vjeç, banues në Gjonçë, Fier, A. A., 31 vjeç, banues në Cakran, Fier dhe stetasi I. M., 27 vjeç, banues në Cakran.
“Këta shtetas, në bashkëpunim me njeri – tjetrin, në një zonë të pyllëzuar në fshatin Rromës, Mallakastër, kishin kultivuar fidanë narkotikë kanabis, të cilët u asgjësuan gjatë operacionit. Në cilësinë e provës materiale u sekuestruan një sasi farash kanabisi, një armë gjahu dhe shtatë aparate celularë”, thuhet në njoftimin e policisë.
Po ashtu, në cilësinë e provës materiale u sekuestruan një sasi farash kanabisi, një armë gjahu dhe shtatë aparate celularë.
Materialet i kaluan Prokurorisë pranë Gjykatës së Shkallës së Parë Fier, për veprat penale “Mbajtja pa leje e armëve të gjahut”, “Kultivimi i bimëve narkotike” dhe “Prodhimi dhe shitja e narkotikëve” të kryera në bashkëpunim, shtuan të njëjtat burime.
