‘Deep Knowledge Grup’ ka realizuar një studim rreth çdo shteti dhe rajoni në lidhje me performancën e përballjes ndaj COVID-19.
Indrit Seferi, specialist i Shëndetit publik nga Fakulteti i Shkencave Mjekësore Teknike shpjegoi për Euronews Albania të dhënat e përpunuara për të kuptuar edhe trendin e Shqipërisë.
Ai zbuloi tre vendet që paraqitën performancën më të mirë në përballimin e COVID-19 në të gjithë kriteret e marra për bazë në studim. Ato janë Zvicra me 752 pikë, Gjermania dhe Izraeli.
Gjashtë ishin kriteret mbi të cilat u mblodhën të dhënat e studimit: që lidhen me eficencën e karantinës, eficenca shtetërore, monitorimi dhe dedektimi për rastet, gatishmëria e kujdesit shëndetësor, aftësia e këtyre vendeve për t’u përshtatur me ndryshimin dhe gatishmëria e emergjencës.
Z. Seferi shpjegoi se në studim shtetet ndahen në 4 kategori: vendi i parë shtetet me performancë më të mirë, vendi i dytë dhe i tretë përfshijnë vendet 21-100, ku janë vendosur 60 parametra, dhe vendi i katërt ato që nuk kanë pasur performancën e duhur.
”Shqipëria ndodhet ne pozicionin e 88 në këtë rankim, por krahasimi varet se me cilat vende bëhet. Nëse do të krahasohemi me rajonin, Shqipëria ndodhet e parafundit. Në vendin e parë në rajon ndodhet Sllovenia dhe në të fundit Maqedonia e Veriut. Pra, ka vend për të bërë përmirësime për t’u krahasuar me rajonin. Nëse marrim krahasimin për eficencën e karantinës, Shqipëria është e 7-ta në Ballkan, pra kemi indikatorin më të mirë në krahasim me indikatorët e tjerë”, shpjegoi specialisti i ISHP./Euronews.al
