Sapo kanë përfunduar tre ndeshjet e kthimit të vlefshme për çerekfinalet e Kupës së Shqipërisë.
Kështu pas dy ndeshjeve të zhvilluara, në gjysmëfinale janë kualifikuar Tirana, Kukësi dhe Teuta.
Bardheblutë u kualifikuan me rezultatin e përgjithshëm 6-2 ndaj Besëlidhjes. Sfida në “Selman Stërmasi” u mbyll 5-1 në favor të Tiranës, ndërsa sot kryeqytetasit u mjaftuan me një barazim 1-1 për të kaluar më tej.
Kukësi i drejtuar nga Orges Shehi vazhdon aventurën në Kupë, pasi suksesit me rezultatin e përgjithshëm 5-2 ndaj Apolonisë. Verilindorët mposhtën sot skuadrën fierake në shtëpi me rezultatin 3-1, ndërsa disa javë më parë kishin fituar në transfertë 1-2.
Nga ana tjetër Teuta fitoi me rezultatin e ngushtë 1-0 kundër Vllaznisë me anë të Renato Arapi. Sfida e parë mes skuadrave në Shkodër kishte përfunduar në barazim 2-2 duke bërë që “Djemtë e Detit” të kalojnë më tej.
Skuadra e fundit gjysmëfinaliste për Kupën e Shqipërisë, do të jetë ajo e fitueses së çiftit Skënderbeu-Bylis e cila starton në orën 19:30.
