Paris Saint Germain ka konfirmuar se katër anëtarë të klubit janë infektuar me coronavirus. Tre prej tyre janë futbollistë ndërsa persona i katërt është pjesë e stafit teknik.
Lajmi është bërë publik nga vetë ekipi kampion i Ligue 1 me anë të një postimi në rrjetet sociale. Klubi bën të ditur se tre lojtarët, emrat e të cilëve nuk bëhen publik janë asimptomatikë dhe nuk kanë pasur asnjë kontakt me njëri-tjetrin. Ashtu siç është protokolli në këto raste personat mbartës të virusit janë të izoluar deri në kryerjen e testeve të tjera.
Kujtojmë që PSG-ja u shpall për herë të 9-të kampione e Francës që në muajin prill, pas ndërprerjes së kampionatit për shkak të pandemisë së coronavirusit.
