Fondi Shqiptar i Zhvillimit ka nisur kërkimet për një kompani që do të bëjë hartimin e projekteve për ndërtimin e njësive të banimit në ndërtesa (pallat), në zonat e shpallura për zhvillim të detyruar. Në faqen e Agjencisë së Prokurimit Publik është shpallur procedura që ka në objekt shërbimin “Hartimi i projekteve për ndërtimin e njësive të banimit në ndërtesa (pallat), në zonat e shpallura për zhvillim të detyruar” me një fond limit 202 milionë lekë.
Sipas dokumenteve objekti i punës është përgatitja e projektit të godinave për fazën e miratimit të lejeve të ndërtimit dhe aplikimi për leje ndërtimi për realizimin e njësive të banimit në ndërtesa (pallat), përfshirë shërbime të rilevimeve topografike, vlerësimin e ndikimit në mjedis dhe shërbimeve gjeologjike që i takojnë nëntokës e punimeve në themel, në zonat e shpallura për zhvillim të detyruar, në bashkitë Durrës, Kavajë, Krujë, Kurbin, Lezhë, Shijak dhe Vorë.
Zonat e rindërtimit të objekteve janë përcaktuar me legjislacionin në fuqi, ato do të implementohen nërmjet zbatimit të planeve territorial PDyV-ve të miratuara dhe çertifikuara nga Agjencia Kombëtare e Planifikimit të Territorit (AKPT). Afishimi publik I miratimit të këtyre planeve territoriale është bërë nëpërmjet Regjistrit Kombëtar të Planifikimit të Territorit. Aksesimi publik I PDyV-ve bëhet nëpërmjet faqes elektronike të AKPT-se, për të gjitha zonat e rindërtimit në bashkitë Durrës, Kavajë, Krujë, Kurbin,Lezhë, Shijak dhe Vorë.
Në termat e referencës sqarohen edhe ndërhyrjet e propozuara në projekt ku përfshihet nga lartësia e kateve që do të kenë pallatet që variojnë mes 2 dhe 6 kate deri tek lidhja dhe aksesi me zonat e parkimit nën dhe mbi tokë.
Ndërhyrjet e propozuara
Ndërhyrjet e propozuara në projekt të jenë:
- Ndërtimi i njësive të banimit në ndërtesa (pallat), në zonat e shpallura për zhvillim të detyruar te përmendura ne titull, me lartësi nga 2 deri ne 6 kate mbi tokë) sipas përcaktimeve te PDyV-ve.
- Lidhja me rrjetin kryesor të infrastrukturave KUZ dhe KUSH, sipas përcaktimeve te PDyV-ve.
- Lidhja me rrjetin kryesor të infrastrukturave te ujësjellësit, sipas përcaktimeve te PDyV-ve.
- Lidhja me rrjetin kryesor të infrastrukturave elektrike dhe TIK, sipas percaktimeve te PDyV-ve.
- Aksesimi horizontal dhe vertikal PAK, sipas përcaktimeve te PDyV-ve.
- Lidhja dhe aksesi kundrejt rrjetit të lëvizjes këmbesore, sipas percaktimeve te PDyV-ve.
- Lidhja dhe aksesi me zonat e parkimit të nën dhe mbi tokës, sipas percaktimeve te PDyV-ve.
Ofertat nga operatorët e interesuar duhet të dorëzohen brenda 3 korrikut 2020./Monitor.al
