Dashnor Memaj, përfaqësues i unionit të operatorëve të transportit publik e cilëson protokollin e caktuar nga Ministria e Shëndetësisë për funksionimin e transportit publik si shumë të ashpër.
Memaj thotë se në rast të përsëritjes së shkeljes, parashikohet deri në ndjekje penale për administratorin. Duke theksuar se transporti është i vetmi subjekt që vijon të mbahet i mbyllur, Memaj bën thirrje që qeveria të marrë masa lehtësuese pasi kanë prej 4 muajsh që aktiviteti i tyre është i pezulluar.
“Jemi i vetmi subjekt që vijojmë të jemi të mbyllur. Ministrja e ka bërë mbylljen me urdhër dhe me urdhër duhet të bëhet dhe hapja, dhe jo me Facebook. Numri i udhëtarëve është 70% e kapacitet dhe ulja të jetë në mënyrë diagonale”, tha Memaj.
“Përgjegjësia te protokolli është e jashtëzakonshme pasi me 2-3 shkelje shkon për ndjekje penale administratori. T’i hiqet përgjegjësia subjektit dhe t’i lihet qytetarëve. Ka pika të protokollit që bien ndesh me njëra-tjetrën. Kërkohet dezinfektim por kjo ka një kosto”, shti ai.
Sipas përfaqësuesit të unionit të operatorëve të transportit publik qeveria para se të vendosë për hapjen e transportit duhet të ulet për të diskutuar me grupin e interesit pasi kompanitë janë në vështirësi për zbatimin e rregullave të reja.
