Ish-sulmuesi i Milanit, Piero Prati, i cili ndihmoi Italinë të fitonte kampionatin e saj të vetëm europian, vdiq në moshën 73-vjeçare, njoftoi klubi ndërsa bëri homazhe ndaj numrit legjendar 11.
“Prati ka qenë gjithmonë vetëm Milan, fytyra e Milanit, zemra e Milanit, trashëgimia e Milanit. Pierino Prati ka nderuar dhe ndriçuar historinë e kuqezinjve”, shkruajti klubi italian në një deklaratë.
Me pseudonimin “Pierino pesticidi”, siç e quajtën tifozët e Milanit, ai shënoi një fitore vendimtare 4 me 1 në finalen e Kupës së Europës në vitin 1969 kundër Ajax.
Ai gjithashtu ndihmoi ”djajtë” të fitonin një titull në serinë A, dy kupa të Italisë, dy kupa në “Winner’s Cups” dhe një kupë ndërkontinentale midis viteve 1968-73.
Ai ishte golashënuesi më i mirë i serisë A në sezonin 1967-1968.
