Aktori dhe komediani dhe i njohur i CNN, D.L. Hughley, humbi ndjenjat gjatë një performance në klubin e natës “Zanies”. U dërgua menjëherë në spital, pas ngjarjes dhe prej andej mjekët zbuluan se ishte i prekur nga koronavirusi. Më pas, vetë aktori konfirmoi se pas testit, ka rezultuar pozitiv me koronavirus. Tashmë ka nisur edhe hetimi epidemiologjik për pjesën tjetër të njerëzve me të cilët ai ka pasur kontakte të afërta.
Aktori 57-vjeçar, përmes një postimi në “Twitter”, njoftoi fansat në lidhje me gjendjen e tij shëndetësore.
“Unë isha ai që e quajnë asimptomatik. Nuk kam simptoma të ngjashme me gripin, nuk kam pasur dhimbje fyti. Nuk kam pasur vështirësi në frymëmarrje, nuk kam kollë, nuk kam ethe të shkallës së ulët, kam ethe. Nuk kam pasur një humbje të nuhatjes ose shijes, me sa duket, thjesht kam humbur vetëdijen”.
Ai tha se do të kthehet në dhomën e tij të hotelit për t’u karantinuar për dy javët e ardhshme pas daljes nga spitali.
