Një efektiv i policisë duket që godet me grushte fytyrës një person që është vënë në pranga, në një video të publikuar nga faqja në FB, “Brryli Broadway”.
Nga pamjet, duket një efektiv policie i cili i sulet të prangosurit duke e goditur me grushte fytyrës, ndërkohë që një tjetër e mban nga krahët.
Vetëm pak metra larg, në derën e makinës së Policisë, ndodhet i arrestuari tjetër, i cili ngre zërin në momentin që ushtrohet dhuna.
“Ç’a bën mër…s’e prek asnjoni…ejj….Të q**** motrën mor..,”– dëgjohet tqë bërtet ai, teksa ndodhet i rrethuar nga forca policie.
“Kaq trim eshte Sander Lleshaj saqe te godet edhe kur je i prangosur. O Sandri o delenxhi…”- shkruan faqja krah videos që ka publikuar.
Pamjet e videos vijnë jo shumë larg nga një tjetër episod i dhunshëm i policisë. Rreth një muaj më parë, u publikua një video ku efektivë të policisë dhunuan një adoleshent në zonën e Liqenit Artificial në kryeqytet. Policia njoftoi se i riu “nuk iu bind urdhrave të efektivëve”.
