Një shqiptar, 41 vjeç, u arrestua nga policia italiane, pasi ka therur me thikë një tunizian, 33-vjeçar, i cili humbi jetën. Ngjarja ka ndodhur mbrëmjes e së dielës në Romë.
Shqiptari dhe tuniziani u përfshinë në një konflikt, i cili precipitoi në përdorimin e thikës nga shqiptari.
41-vjeçari ishte i skeduar nga policia, por nuk rezulton i ndaluar për ndonjë vepër penale. Ai nuk kishte një vendbanim fiks dhe ishte punëtor.
Sipas të dhënave të para, të dy kishin nisur të grindeshin në rrugë, të ndikuar edhe nga alkooli, kur shqiptari nxori thikën dhe e goditi viktimën befasisht disa herë në qafë dhe kokë.
Vdekja e tunizianit ishte thuajse e menjëhershme. Trupi i zhytur në një pellg gjaku u pa nga një kalimtar që njoftoi urgjencën, e cila e gjeti të vdekur tunizianin.
Karabinierët gjetën bluzën e përgjakur të autorit, i cili e kishte hedhur në një kosh plehrash, por ende jo thikën.
Shqiptari 41-vjeçar e ka pranuar fajin gjatë marrjes në pyetje që zgjati gjithë natën.
