Bota e futbollit është në zi. Talenti 17 vjeçar i klubit të Las Palmas, Jorge Sanchez Vaca, ka humbur jetën ditën e shtunë së bashku me një 15 vjeçar.
Sipas mediave spanjolle, Jorge, u bllokua në një tub në kanalin Orelana në Badahoz. Shërbimet shëndetësore nuk kanë qenë në gjendje të bëjnë asgjë për ta ringjallur atë dhe për të shpëtuar jetën e tij.
Jorge Sánchez Vaca ishte një futbollist premtues dhe ishte pjesë e të rinjve të Las Palmas. Skautët nga klube të ndryshme po e monitoronin të ndjerin, ndërsa ashtu siç njofton klubi spanjoll, vendi në skuadrën e parë për të ka qenë i garantuar.
Sanchez nga sezoni i ri do t’i bashkohej skuadrës së parë të Las Palmas, por për fat të keq u largua nga jeta para kohe.
“Las Palmas me keqardhje të thellë njofton për vdekjen e lojtarit tonë në kategorinë e kadetëve, Jorge Sanchez Vaca. Ne i shprehim ngushëllimet tona familjes dhe miqve të tij”, thuhej në deklaratën e klubit spanjoll.
La UD Las Palmas lamenta profundamente el fallecimiento del ex jugador de nuestro cadete Jorge Sánchez Vaca, que, procedente del UD Jandía, tenía previsto incorporarse a nuestro Juvenil A la próxima temporada. Enviamos nuestro pésame a sus familiares y amigos. DEP pic.twitter.com/y99xMLnvMX
— UD Las Palmas (@UDLP_Oficial) June 20, 2020
