Të shtëna me armë zjarri janë regjistruar mëngjesin e kësaj të diele në qytetin e Elbasanit. Ngjarja ka ndodhur rreth orës 00:30, në fshatin Byshek.
Sipas burimeve zyrtare shënjestër e atentatit ka qenë 48-vjeçari Petrit Çarçiu, banues në fshatin Shushicë, Elbasan, i cili ka njoftuar Policinë e Elbasanit se në rrethana ende të paqarta është qëlluar me armë zjarri në drejtim të mjetit të tij i cili udhëtonte sëbashku me djalin.
Fatmirësisht, asnjë prej plumbave nuk ka prekur babë e bir që ndodheshin në makinë.
Shërbimet e Policisë vijojnë punën për sqarimin dhe zbardhjen e rrethanave të ngjarjes, me qëllim identifikimin dhe kapjen e autorit.
