Brighton ka arritur një fitore me përmbysje 2-1 ndaj Arsenalit në ndeshjen e vlefshme për javën e 30-të në Premier League.
Pjesa e parë u mbyll me rezultatin e bardhë 0-0 ku asnjë nga skuadrat nuk shfrytëzoi rastet e krijuara. Në pjesën e dytë të parët që kaluan në avantazh ishin “Topçinjtë” që shënuan me anë të Nicolas Pepe në minutën e 68-të. Braziliani ka mposhtur portierin kundërshtar me një goditje magjike me të majtën.
Gjithsesi, festa e Topçinjve nuk ka zgjatur shumë, me vendasit që kanë arritur të barazojnë në minutën e 75-të me Dunk pas një rrëmujë në zonën e rreptësisë së Arsenal-it.
Kur u mendua se gjithçka do të mbyllej në barazim, sulmuesi i Brighton, Neal Maupay shënon golin e fitores në minutën e 95-të duke gëzuar stafin e skuadrës.
Me këtë fitore Brighton ngjitet në kuotën e 32 pikëve duke iu larguar zonës së rënies nga kategoria. Nga ana tjetër për Arsenalin kjo humbje I zbeh akoma më shumë shpresat për një kualifikim në kupat europiane.
