Përmeti regjistroi sot rastin e parë me Covid-19 që prej 9 marsit, kur u regjistrua zyrtariisht pacienti zero në Shqipëri.
Pacienti i parë në Përmet është një muzikant, i cili mësohet se ka qenë një prej kontakteve të aktorit të Portokallisë, që rezultoi pozitiv pak ditë më parë.
Bashkia e Përmetit përmes një postimi ka kërkuar nga qytetarët që të respektojnë rregullat e distancimit social, të përdorin maskat dhe të ruajnë higjenën personale.
POSTIMI I PLOTE
Lajm urgjent/ SHËNOHET RASTI I PARË ME COVID
*****
Zyrtarisht sot, Përmeti i shtohet hartës së të infektuarve me Coronavirus. Një prej muzikantëve përmetarë tashmë është karantinuar së bashku me familjen e tij. Nuk ka vend për panik por mos harroni të përdorni maskat dhe higjenë personale të duarve!
