Një tërmet i fortë është regjistruar mbrëmjen e sotme pak kilometra pranë brigjeve islandeze.
Sipas EMSC, tërmeti ka qenë me magnitudë 5.7 sipas shkallës Rihter dhe me thellësi fokale 10 kilometra.
Epiqendra e lëkundjeve sizmike ka qenë 14 km nga qyteti Siglufjörður.
Deri më tani nuk ka raportime për të lënduar apo për dëme materiale.
Ky është tërmeti më i fuqishëm që ka goditur Islandën pas vitit 2008, kur shteti ishullor u trondit nga një tërmet me magnitudë 6.1 sipas shkallës Rihter, i cili la të plagosur 30 persona.
