Legjenda e Interit, Mario Corso, ka ndërruar jetë në moshën 78 vjeçare. Siç e quanin ndryshe “këmba e majtë e Zotit Corso prej disa ditësh ndodhej i shtruar në spital.
Lajmi u dha nga klubi zikaltër në faqen e tij zyrtare: “Me këmbën e tij të majtë, ai simbolizoi një epokë të futbollit me Interin. Të gjitha mendimet tona shkojnë për familjen e tij në këtë moment të vështirë”.
Mario Corso mbrojti fanellën zikaltër për 16 vite, kohë në të cilën u shpall katër herë kampion i Serie A në sezonet (1962–63,1964–65,1965–66,1970–71) si dhe dy herë fitues i Kupës Europiane (sot Liga e Kampioneve) në sezonet (1963–64, 1964–65).
Ai e shënoi golin e parë në Serie A me fanellën zikaltër në moshën 17 vjeç dhe 92 ditë. Spikati në futboll me këmbën e majtë, mbahet mend si një nga simbolet e Interit të madh, me 502 ndeshje dhe 94 gola zikaltër.
É scomparso Mario Corso, interista, campione eterno dotato di infinita classe. Con il suo sinistro ha incantato il mondo in una squadra che ha segnato un’epoca. I pensieri e l’affetto di tutti noi vanno alla famiglia in questo momento difficile #FCIM pic.twitter.com/AqD47xWNtX
— Inter 🏆🇮🇹 (@Inter) June 20, 2020
