Maturantët do ti nënshtrohen ditën e sotme provimit të katërt dhe të fundit të maturës shtetërore. Ata do të zhvillojnë sot provimin e lëndëve me zgjedhje.
Provimi nis në orën 10:00 dhe do të zgjasë 2 orë e 30 minuta. Provimet këtë vit janë zhvilluar në masa të larta sigurie për shkak të pandemisë COVID-19 ku nuk lejohen më shumë se 15 nxënës në një klasë.
Kujtojmë se lidhur me provimet këtë vit ka patur debate të shumta lidhur me tezën e Gjuhës Shqipe dhe Letërsisë, ndërkohë që tezat e provimit të Gjuhës dhe Matematikës kanë qarkulluar në rrjet përpara se maturantët të dilnin nga provimi.
