Ka arritur në 39 numri i viktimave nga COVID-19 në vendin tonë.
Autoritetet e shëndetësisë njoftojnë se në 24 orët e fundit ka ndërruar jetë një pacient 67 vjeç nga Shkodra i konfirmuar pozitiv me Covid19.
Mësohet se ai vuante nga Insuficienca kardiake dhe disa sëmundje të tjera bashkëshoqëruese. Pas disa ditëve në terapi intensive, i intubuar, 67 vjeçari nuk ka mundur të mbijetojë, pavarësisht përpjekjeve të stafit mjekësor.
Rritje e numrit të të infektuarëve ka sjellë dhe rritjen e numri të viktimave pasi edhe ditën e djeshme u raportua për një viktimë nga koronavirusi.
Ministria e Shëndetësisë njoftoi sot se, 66 persona janë konfirmuar me COVID-19 në 24 orët e fundit në vend.
